Almaty oblysynda brakonerlermen kúres kúsheıdi: úsh kúnde 52 zańbuzýshylyq anyqtaldy
Almaty oblysynyń aýmaǵynda ótip jatqan «Brakoner» jedel aldyn alý is-sharasy barysynda tabıǵat qorǵaý polıtseıleri 52 quqyq buzýshylyqty anyqtady. Іs-sharanyń basty maqsaty – tabıǵat qorǵaý zańnamasy talaptarynyń buzylýyna jol bermeý jáne onyń aldyn alý.
«3 kún ishinde zańsyz ańshylyq jasaýdyń 28 deregi, zańsyz balyq aýlaýdyń 11 deregi, sondaı-aq, aǵashtardy zańsyz kesýdiń 12 deregi tirkeldi. Atalǵan derekter boıynsha QR Ákimshilik quqyqbuzýshylyq týraly kodekske sáıkes hattamalar toltyrylyp, aıyppul salyndy. Qarasaı aýdanynda aǵashtardy zańsyz otaǵan bir turǵynǵa qatysty sotqa deıingi tergeý amaldary bastaldy»,- dedi oblystyq PD JPQB tabıǵat qorǵaý tobynyń ınspektory polıtsııa kapıtany Baǵlan Rymjanov.
Óz kezeginde, polıtseıler tabıǵat qorǵaý zańnamasynyń talaptaryn qatań saqtaýǵa jáne tabıǵatqa janashyrlyq tanytýǵa shaqyrady. Saıatshylyq qurýǵa nıet etken turǵyndar qoldanystaǵy zańǵa sáıkes tıisti qujattar men ruqsattardy alý jáne qarýdy saqtaý jáne tasymaldaý tártibin eskerýleri qajet.
16 qańtar kúni bastalǵan tabıǵat qorǵaý sharasy aıdyń sońyna deıin jalǵasady.