Almaty oblysynda brakonerden taýeshkiniń eti men eki myltyq tárkilendi

TALDYQORǴAN. QazAqparat - Almaty oblysynda polıtseıler brakonerden taý eshkiniń eti men eki myltyqty tárkiledi, dep habarlaıdy QazAqparat tilshisi.

Almaty oblystyq polıtsııa departamenti baspasóz qyzmetiniń málimetinshe, óńirde «Brakoner» jalpy respýblıkalyq jedel aldyn alý is-sharasy uıymdastyrylǵan.

Sonyń aıasynda Raıymbek aýdanynyń polıtseıleri Talǵar aýdanynyń 36 jastaǵy turǵyny basqarǵan «Toıota Mark-2» markaly avtokóligin toqtatqan.

Tekserý kezinde kóliktiń ishinen taý eshkisiniń eti jáne eki oıyq ańshylyq myltyq tabylyp, tárkilendi.Olar saraptamaǵa jiberildi. Atalǵan derek QR QK 337-babynyń 1-bóligi boıynsha tirkeldi.

Avtokólik arnaıy turaqqa qoıyldy. Ustalǵan adamǵa qatysty sotqa deıingi tergeý kezeńinde qolhatpen bosatyldy.