Almaty oblysynda brakoner 1 tsentner balyqpen ustaldy
«Brakoner» jedel aldyn alý sharasy barysynda Almaty oblystyq Polıtsııa departamenti patrýldik polıtsııa batalonynyń jol saqshylary «Batys Eýropa – Batys Qytaı» avtojolynda Túrkistan oblysynyń 20 jastaǵy turǵyny basqarǵan kólikti toqtatqan. Avtokólikten 115 keli balyq tabyldy. Kólik júrgizýshisi iri kólemdegi balyqty aýlaýǵa jáne tasymaldaýǵa qajetti qujattardy kórsete almaǵan.
«Atalǵan derek boıynsha QR Qylmystyq kodeksiniń 335-babyna sáıkes sotqa deıingi tergeý amaldary bastaldy. Tekserý barysynda kúdiktiniń kóliginen eki akkýmýlıator men toq ulǵaıtqysh quraly, elektr qarmaǵy tabyldy. Zańmen tyıym salynǵan balyq aýlaý quraly men Іle ózeninen aýlanǵan sazan jáne amýr balyqtary tárkilendi. Іs boıynsha tıisti sot-bıogııalyq saraptamasy taǵaıyndaldy. Balyqtar tıisti qabyldaý oryndaryna ótkizilip, odan túsken qarjy memleket paıdasyna aýdarylatyn bolady»,- dedi Uıǵyr aýdany Polıtsııa bóliminiń bastyǵy Shyńǵyshan Sabýrov.
Vedomstvo basshysynyń aqparatyna sáıkes, kúdikti mekenjaıyn ózgertpeý týraly mindettememen bosatyldy. Degenmen onyń kóligi arnaıy turaqqa qoıylǵan. Tártip saqshylary qoldanystaǵy zańnama talaby boıynsha brakonerdiń memleketke keltirgen materıaldyq shyǵynyn anyqtaýda.