Almaty oblysynda atys bolyp, bir adam qaza tapty

QONAEV. QazAqparat – Almaty oblysynda atys bolyp, tórt adam jaraqat aldy, bir adam qaza tapty. Bul týraly Almaty oblysy Polıtsııa departamentiniń bastyǵy Baýyrjan Álenov málim etti, dep habarlaıdy QazAqparat tilshisi.

«Adam ólimine alyp kelgen atys 7 qyrkúıek kúni bolǵan. Іle aýdanynyń ortalyq aýdandyq aýrýhanasyna tegis uńǵyly qarýdan jaraqat alǵan 4 jergilikti turǵyn tústi. Taǵy bir adam aýrýhanaǵa barar jolda qaıtys boldy. Atalǵan derek QR QK 99-baby (Kisi óltirý) jáne QR QK 293-baby 3-bóligi (buzaqylyq) boıynsha tirkeldi. Oqıǵaǵa qatysýshylardy polıtsııa qyzmetkerleri anyqtap, ustady. Jaǵdaılar anyqtalyp jatyr», - dedi Baýyrjan Álenov.

Aıtýynsha, qazirgi ýaqytta saraptamalyq tekserýler taǵaıyndaý men barlyq qajetti tergeý sharalary júrgizilip jatyr. Aımaqtaǵy jaǵdaı turaqty jáne baqylaýda.