Almaty oblysynda 420 myńǵa jýyq adam vaktsınanyń birinshi bóligin aldy

TALDYQORǴAN. QazAqparat - Almaty oblysynda 420 myńǵa jýyq adam koronavırýs vaktsınasynyń birinshi komponentin aldy, - dep habarlaıdy QazAqparat tilshisi.

Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan aqparatqa sáıkes, Almaty oblysyna jyl basynan beri vaktsınanyń І komponentiniń 498 170 dozasy kelip tústi. Onyń ishinde 39 500 Hayat-Vax, 422 670 Gam-KOVID-Vak (Spýtnık V), 8000 QazVac, 28 000 CoronaVac dozasy.

Al ІІ komponent boıynsha ekpeniń 292 030 dozasy óńirge jetkizildi. Onyń ishinde, 39 500 Hayat-Vax, 216 530 Gam-KOVID-Vak (Spýtnık V), 8000 QazVac, 28 000 CoronaVac dozasy aımaqtaǵy medıtsınalyq uıymdarda bar.

Aıta ketý kerek, vaktsınanyń birinshi komponentimen 419 833 adam egildi, ekinshi bóligin 235 579 turǵyn qabyldady. Vaktsına alǵandardyń arasynda 11 215-i memlekettik qyzmetker. 22 579-y medıtsına qyzmetkeri. Al pedagogtar sany - 36 568. BAQ – 139, sozylmaly aýrýy bar adamdar – 3121 jáne basqa sala qyzmetkerleri - 304 735 adam.