Almaty oblysynda 21 adam koronavırýs juqtyryp, jansaqtaý bóliminde jatyr

TALDYQORǴAN. QazAqparat - Ótken táýlikte Almaty oblysynda 84 adamnan koronavırýs anyqtaldy, - dep habarlaıdy QazAqparat tilshisi.

Sonyń ishinde Taldyqorǵan qalasynda 23 jaǵdaı, Talǵar aýdanynda – 11, Jambyl jáne Qarasaı aýdandarynda 7 jaǵdaıdan, Panfılov aýdanynda – 6, Іle, Qaratal jáne Kóksý aýdandarynda 5 jaǵdaıdan, Eskeldi aýdany men Tekeli qalasynda 4 jaǵdaıdan, Eńbekshiqazaq aýdanynda – 3, Alakól, Balqash, Raıymbek aýdandary men Qapshaǵaı qalasynda 1 jaǵdaıdan tirkeldi.

Sondaı-aq ótken táýlikte 173 adam koronavırýstan qulan-taza aıyǵyp shyqty. Óńir «sary» aımaqta.

«16-aqpandaǵy jaǵdaı boıynsha óńirde 654 adam statsıonarlyq em qabyldaýda. Bir táýlikte aýrýhanalarǵa 51 adam tústi. Óńirdiń aýrýhanalaryndaǵy tósek oryndar sany – 2780. Tósek-oryn júktemesi – 23,5 %. Jansaqtaý bóliminde 21 adam em qabyldaýda. Jansaqtaý bólimindegi tósek oryndardyń júktemesi 7,5 % quraıdy (280 jatyn oryn).

Sońǵy 3 kúnde 4635 adamnyń koronavırýsqa synamalary zerthanalarda tekserildi»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.

Vedomstvonyń aqparatyna sáıkes, Almaty oblysy boıynsha koronavırýsqa qarsy vaktsınanyń 1-shi komponentin alǵandar sany – 976 942. Sonyń ishinde ótken kúni ekpe alǵandar sany – 2517. Ekpeniń 2-shi komponentin alǵandar sany – 885 563. Sonyń ishinde ótken kúni ekpe alǵandar sany 1699 adam.