Almaty oblysynda 20 myńǵa jýyq jasóspirim Pfizer vaktsınasyn aldy
Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamaǵa sáıkes, Almaty oblysynda 225 810 adam atalǵan vaktsınany alýǵa jatady. Onyń ishinde 12-17 jas aralyǵyndaǵy balalar - 147 000, júkti áıelder - 34 510, laktatsııa kezeńindegi áıelder - 44 300.
Búgingi tańda Pfizer vaktsınasynyń birinshi komponentin 24 941 adam aldy. Onyń ishinde 12 - den 17 jasqa deıingi 19 832 jasóspirim, laktatsııa kezinde 3489 áıel jáne júktilik kezinde 1620 adam.
Vaktsınanyń ekinshi komponentin 2353 adam saldyrdy. Olardyń ishinde 1977 jasóspirim, laktatsııa kezinde 323 áıel jáne 53 júkti áıel bar.
«2021 jyldyń 11 qarashasynda Almaty oblysyna bosanǵannan keıingi 42 kúnnen bastap bala emizetin analar, jasóspirimder jáne júktilik kezinde 16-dan 37 aptaǵa deıin áıelder úshin 46 800 doza mólsherinde Pfizer vaktsınasynyń birinshi partııasy ákelindi»,- delingen vedomstvonyń habarlamasynda.
