Almaty oblysynda 110 jastaǵy keıýana saılaýda daýys berdi

TALDYQORǴAN. QazAqparat - Almaty oblysynyń Sarqan aýdanynda ǵasyr jasaǵan qart ana saılaýda daýys berdi, dep habarlaıdy QazAqparat tilshisi.

Sarqan aýdanynda 110 jastaǵy Altynhan Beldeýbaı saılaýdan tysqary qalmaı óz daýsyn berdi. Aq bastasyn bergen keıýana saılaýdyń keleshegimiz úshin mańyzdy ekendigin jetkizdi.

«Táýelsiz elimizdiń bolashaǵy degende barlyǵymyz bir kisideı alańdaýmyz kerek. Osyndaı beıbit kúndi halqymyz kóp ańsady. Sol ortaq Táýelsizdikti baǵalaýymyz kerek. Meniń jasym júzden asyp ketse de, eshqashan saılaýdan tys qalǵan emespin. Saılaýǵa ár azamattyń barýy mindetti. Saılaýda elimizdiń bolashaǵy sheshiletin kún. Oǵan beı-jaı qaramaǵan jón. Elimiz aman, jurtymyz tynysh, ár otbasyna bereke-birlik tileımin». - dedi qart anamyz.

Aıta keteıik, búgingi saılaýǵa Sarqan aýdany boıynsha 28 myńnan astam saılaýshy óz daýystaryn bermek.

Jalpy Almaty oblysy boıynsha daýys berýshilerdiń sany 1mln 400 myńnan asady. Olar úshin 1053 saılaý ýchaskesi jumys istep tur.