Almaty mýzeıinde qandaı ulttyq kıimder saqtalǵan
Almaty mýzeıi 2002 jyly qurylǵan, burynǵy Vernyı balalar úıiniń ǵımaratynda ornalasqan.
11 zalda Almaty qalasynyń tutastaı tarıhy saqtalǵan. Siz munda ońtústik astananyń ár kezeńdegi tarıhymen tanysa alasyz: «Ejelgi Almaty tarıhy», «Ortaǵasyrlyq Almaty tarıhy», «Qazaq memlekettiliginiń bastaýynda», «Almaty qalasynyń Vernyı kezeńi», «HH ǵ. Almaty» jáne taǵy basqalary.
Mýzeı qorynda 40 myńǵa jýyq eksponat bar.
Onyń ishinde – beıneleý óneri týyndylary, qazaq etnografııasynyń biregeı jınaǵy, sondaı-aq qazirgi tańda Almatyda turyp jatqan halyqtardyń etnografııalyq buıymdary, túrli dáýirler men mádenıetterdiń turmystyq zattary, nýmızmatıkalyq, foto jáne qujattar kollektsııasy bar.
Almaty mýzeıiniń ekskýrsovody Ánýar Saǵatovtyń aıtýynsha, mýzeı qorynda 50-ge jýyq qazaqtyń ulttyq kıimi saqtalǵan, kıim evolıýtsııasy kóne zamannan búgingi kúnge deıin berilgen.
Mysaly, Qazaqstan halqy Assambleıasyna arnalǵan zalda Qazaqstan aýmaǵynda ómir súrgen nemese turatyn túrli halyqtarǵa qatysty ulttyq kıimder qoıylǵan.
Bul - sheshen, káris, armıan, ýkraın, ózbek, túrkimen jáne basqa da kóptegen ulttardyń kıimderi.
«Ózderińiz bilesizder, Qazaq handyǵy tusynda Uly Jibek jolynda saýda jaqsy damyǵan. Bizdiń eramyzǵa deıingi 3 ǵasyrdan bastap munda saýda joldarynyń arqasynda 16 ǵasyrdyń basynan 20 ǵasyrǵa deıin ártúrli matalar jetkizile bastady. Mádenı elementter qazaqtyń ulttyq kıimderinde beınelengen», - deıdi Á. Saǵatov.
Onyń aıtýynsha, Uly dala – bul myńdaǵan jyldar buryn paıda bolǵan transmádenı baılanystardyń nátıjesinde qalyptasqan erekshe álem.
Ol bizdiń tarıhymyzda kóptegen ózgeristerge sebepshi boldy ári ulttyq mádenıettiń qaınar bastaýyn qurady.
Qandaı kezeń týraly sóz bolsa da, biz ónerimizdiń ózindik tilin syrttan jetken mádenı jańashyldyqtarmen baıyta otyryp, saqtaǵandyǵyn kóremiz.
Almaty mýzeıiniń kórmesine qoıylǵan bas kıimderdiń biri – kımeshek. Ony qazaqtyń áıelderi kıgen.
«Bul andronovtyqtar ómirin kórsetedi. Áıel júnnen jip ıirýmen aınalysady. Onyń aldynda Almatyda tabylǵan naýanyń túpnusqasy tur. Sondaı aq, súıekten jasalǵan zattar bar. Andronov arheologııalyq eskertkishterinen tabylǵan zattarǵa sáıkes, olar sıyr men qoıdyń súıegin paıdalanǵan», - deıdi mýzeı ókili.
Jaqynda Almaty mýzeıinde «Syńǵyr sholpy shashbaýlym» atty zergerlik áshekeı buıymdar kórmesi ótti.
Zergerlik óner – tamyryn tereńnen alatyn dástúrli mádenıettiń kórikti de kórnekti salasy.
Ol halyqtyń dástúrli dúnıetanymymen, tarıhı bolmys-bitimimen, salt-dástúrimen baıyp otyratyn qasterli kásip.
Sonymen qatar, munda Gınnestiń rekordtar kitabyna engen quraq kórpe bar.
Onyń uzyndyǵy - 10 900 metr. Ol osydan 2 jyl buryn Malaızııada ornatylǵan rekordty basyp ozdy.
