Almaty muǵalimderi 100 paıyz vaktsına saldyrdy
Almaty qoǵamdyq densaýlyq saqtaý basqarmasynyń basshysy Narıman Tabynbaev óńirlik kommýnıkatsııalar qyzmetinde ótken brıfıngte ınfektsııaǵa qarsy kúreste ekpe salýdan ózge bir de bir tıimdi ádis joq ekenin aıtty.
«Qosymsha aıtarym, bizdiń tarapymyzdan muǵalimder arasynda ekpe egý naýqany qarqyndy júrip jatyr. Búginde pedagogtar 100% ekpe aldy. Osyndaı jumys joǵary oqý oryndarynda da júrgizilýde. Stýdentterdi vaktsınamen qamtý - 28%. Stýdentterdiń kópshiligi syrttan keletinine baılanysty (167 myń stýdenttiń 100 myńnan astamy) ımmýndaý jumysy nashar júrip jatyr», – dedi N. Tabynbaev.
1 aqpan men 27 shilde aralyǵynda Almatyda ekpeniń I komponentin 690 711 adam alǵan.
Megapolıstegi medıtsınalyq uıymdarda, mektep, mádenıet, sport nysandarynda, bazar men qalanyń SOSO-da 212 vaktsına pýnkti jumys isteıdi (250-ge deıin ulǵaıtý múmkindigimen).
Sońǵy táýlikte qalada koronavırýs ınfektsııasyn juqtyrǵan 1 250 naýqas tirkeldi. Sonyń 1 166-sy sımptomsyz, 84-i sımptomdy.
