Almaty men Qaraǵandy medýnıversıtetteri qaıta qurylady
«Ýnıversıtettik aýrýhanalardy qurý boıynsha 3 memlekettik-jekeshelik áriptestik jobasy jumys isteýde. Birinshisi Almaty qalasyndaǵy ýnıversıtettik aýrýhana boıynsha kontsessııalyq usynysqa ekonomıkalyq saraptamanyń oń qorytyndysy alyndy, konkýrstyq qujattama jobasy ázirlenýde.Qazirgi ýaqytta jobanyń ınvestıtsııalyq tartymdylyǵyn arttyrý úshin Eýropa qaıta qurý jáne damý bankiniń halyqaralyq konsýltanttary tartyldy», - dedi ol.
Mınıstrdiń aıtýynsha, Qaraǵandy qalasyndaǵy ýnıversıtettik aýrýhana boıynsha Azııa damý bankimen birlesip qujattama ázirleý jumystary júrgizilip jatyr.
«100 naqty qadam» Ult josparynyń 78-qadamyn iske asyrý maqsatynda joǵary oqý oryndaryn, onyń ishinde Qazaq ulttyq medıtsına ýnıversıteti men Qaraǵandy memlekettik medıtsına ýnıversıtetin 100 paıyzy memlekettiń qatysýy bar aktsıonerlik emes qoǵamdarǵa qaıta qurý boıynsha jumys júrgizilýde. Osyǵan baılanysty, qazirgi ýaqytta Ulttyq ekonomıka, Qarjy mınıstrlikterimen jáne Azııa damý bankimen jobalardy iske asyrýdyń ınstıtýtsıonaldyq shemasy, onyń ishinde Qazaqstan Respýblıkasynyń zańnamasyna túzetýler engizý arqyly pysyqtalýda», - dedi E.Birtanov.
Onyń sózine qaraǵanda, Qazaq ulttyq medıtsına ýnıversıtetiniń janynan 1 265 tósektik biriktirilgen ýnıversıtettik aýrýhanany qurý jobasy boıynsha Ulttyq ekonomıka mınıstrliginiń ınvestıtsııalyq usynysqa ekonomıkalyq qorytyndy berilgen. 18 qyrkúıekte QR Úkimeti men halyqaralyq qarjy uıymdarynyń arasyndaǵy áriptestik týraly negizdemelik kelisimderdi iske asyrý jónindegi Úılestirý keńesi jobany IFC-men birlesip iske asyrýdy maquldady.
«Qazirgi ýaqytta Densaýlyq saqtaý mınıstrligi men IFC arasyndaǵy kelisimdi jasaý boıynsha jumys júrgizilýde», - dedi mınıstr.
Aıta keteıik, qazirgi kezde densaýlyq saqtaý salasynda memlekettik-jekeshelik áriptestik jobalarynyń tizbesi 3 respýblıkalyq jáne 258 jergilikti mańyzdy jobadan turady. Onyń ishinde 68 joba boıynsha shart jasalyp, 193 joba daıyndalýda. Jobalar dárigerlik ambýlatorııalardy, feldsherlik-akýsherlik jáne medıtsınalyq pýnkterdi, emhanalardy, statsıonarlardy salýdy jáne ony paıdalanýǵa berýdi, medıtsınalyq tehnıkamen jaraqtandyrýdy kózdeıdi.