Almaty máslıhaty 2022 jylǵa naqtylanǵan bıýdjet jobasyn qoldady
Bıýdjetke ózgerister qalanyń áleýmettik basymdyqtaryn júzege asyrýǵa baǵyttalǵan.
Memleket basshysynyń tapsyrmasyna sáıkes 2030 jylǵa deıin turǵyn úı qoryn jańartý baǵdarlamasyn iske asyrý úshin qosymsha qarajat bólindi.
Tehnıkalyq jáne kásiptik bilim berý aıasynda jastarǵa qosymsha granttar beriletin bolady. Granttar 5 kolledjdiń 1032 stýdentine bólinedi.
«Almaty jastary» turǵyn úı baǵdarlamasy aıasynda 50 jas otbasyǵa (barlyǵy 1050 páter) «Otbasy bank» AQ arqyly turǵyn úı satyp alýǵa qosymsha qarajat bólindi. Sonymen qatar «Baqytty otbasy» baǵdarlamasy boıynsha baspana alýǵa da qarajat qarastyryldy.
Qalanyń kólik ınfraqurylymyna qatysty tapsyrys berilgen 300 avtobýstyń alǵashqy 200 jańa avtobýsyn satyp alýǵa aldyn ala tólem jasalatyn bolady. Budan basqa, qoǵamdyq kólikte azamattardyń jeńildetilgen sanattaryn tasymaldaý ótemaqyny qarjylandyrý jalǵasady.
Múmkindigi shekteýli jandarǵa kómekshi quraldardy satyp alý úshin qarajat qarastyrylǵan, atap aıtqanda: 180 tıflotehnıka quraldary (kórý boıynsha), 133 sýrdotehnıka quraldary (estý boıynsha), 188 qozǵalys quraldary (taıaqtar, jaıaý júrginshiler, baldaqtar). Muqtajdar sanynyń artýyna baılanysty 418 ymdaý tiliniń mamanynyń qyzmetine qarajy qarastyryldy.
№ 129 mektep ǵımaratyn qalpyna keltirý jáne kúrdeli jóndeý jumystarymen seısmıkalyq kúsheıtýge jáne № 9 mektep-ınternatyna qosymsha ǵımarat salýǵa qarajat bólindi.
Alataý aýdanynda mektep jasyndaǵy balalarǵa arnalǵan ınnovatsııalyq shyǵarmashylyq ortalyǵyn salýǵa qarajat qarastyrylǵan.
Sonymen qatar ınjenerlik jelilerdi, jol-kólik ınfraqurylymyn odan ári damytý boıynsha naqty sharalar qarastyrylǵan. Túrksib aýdanyndaǵy «Nıjnıaıa pıatıletka» shaǵy aýdanyna káriz jelilerin salýǵa jáne sý jelilerin qaıta jańǵyrtýǵa qarajat bólindi. Sondaı-aq, Alataý aýdanynda Áıgerim - 1,2 shaǵyn aýdanyndaǵy aǵyndy sýlardy sorý stantsııasynyń qurylysyna aqsha bólindi.
