Almaty mańyndaǵy áýe apaty: 21 adam aýrýhanada jatyr

ALMATY. QazAqparat - Almaty dárigerleri áýe apatynan zardap shekkenderdiń jaǵdaıy týraly aıtyp berdi, dep habarlaıdy QazAqparat tilshisi.

Jalpy, Almaty statsıonarlarynda, Almaty kópbeıindik klınıkalyq aýrýhanasynda, Nur-Sultandaǵy travmatologııa jáne ortopedııa ǵylymı-zertteý ınstıtýtynda 21 naýqas emdelýde. Olardyń ekeýi bala. Jansaqtaý bóliminde 1 adam jatyr.

Almaty qalalyq qoǵamdyq densaýlyq saqtaý basqarmasynyń habarlaýynsha, barlyq zardap shekkender men jansaqtaý bóliminde jatqan adamnyń jaǵdaıy turaqty, birqalypty jaqsaryp keledi.

Aıta keteıik, áýe apatynyń nátıjesinde 69 jolaýshy zardap shekken, onyń ishinde 9-y bala.

Eske salaıyq, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn. 12 adam qaza tapty.

Keıin Almaty áýejaıy «Bek Air» ushaǵynyń qulaý ýaqytynyń hronologııasyn jarııalady.