Almaty mańynda iri saýda-logıstıkalyq hab salý josparlanýda
«Qytaı tarapynan tranzıttik jáne ımporttyq júkterdiń úlken aǵynyn eskere otyryp, biz Almaty toraby óz deńgeıinde jumys istep jatqanyn kórip otyrmyz. Biz qazirgi tańda uzyndyǵy 73 shaqyrym aınalma temir jol qurylysyn salý týraly bastama kóterdik. Ol Qazaqstan-Túrikmenstan-Iran (KTI) baǵyty boıynsha Orta Azııaǵa Túrkimenstan men Iranǵa aparatyn tranzıttik júkterdiń ótkizý qabiletin arttyrady», - dedi «Qazaqstan temir joly» ulttyq kompanııasy tóraǵasynyń orynbasary Erlan Qoıshybaev Almatyda ótken kólik-logıstıka áleýetin damytý jónindegi bıznes-konferentsııada.
Onyń aıtýynsha, Almatydaǵy aınalma temirjoly boıynda iri jańa saýda habyn salý josparlanýda.
«Órshil jobalardyń biri retinde Almatynyń aınalma temirjoly boıynda iri saýda habyn salý bolyp tabylady. Biz bul joba aıasynda bond qoımalary, sýyq tizbekter (tońazytqysh tizbegi) salynady dep otyrmyz, júk áýejaıy, avto, temirjol jáne qurǵaq porttyń qurylysy da qarastyrylýda. Biz egjeı-tegjeıli ázirlengen soń tehnıkalyq-ekonomıkalyq negizdeme men bıznes-josparyn kórsetetin bolamyz. Qazir aldyn ala jumys istep jatyrmyz jáne ınvestorlardy bul jobaǵa qatysýǵa shaqyramyz», - dedi Eran Qoıshybaev.
QTJ ókilderiniń aıtýynsha, joba tabysty iske asqan jaǵdaıda Almaty haby Taıaý Shyǵys, Kavkaz jáne Ortalyq Azııa naryǵyna shyǵý úshin paıdalanylýy múmkin.