Almaty qoryǵyndaǵy Tıan-Shan qońyr aıýy qysqy uıqyǵa ketti
QR Ekologııa, geologııa jáne tabıǵı resýrstar mınıstrliginiń baspasóz qyzmeti málim etkendeı, qazan-qarasha aılarynda taý basyna qalyń qar túsken ýaqytta Tıan-Shan qońyr aıýlary qysqy uıqyǵa ketedi.
Onyń uzaqtyǵy - 4-5 aı, al analyǵy men qonjyqtary bir aıǵa uzaq uıyqtaıdy.
Jabaıy ańdardyń izi, olardyń aǵash pen tastarǵa qaldyrǵan belgileri kezdesken jerlerge qoryqtyń ǵylymı qyzmetkerleri men memlekettik ınspektorlary fototuzaq ornatady.
«2022 jyldyń basynan beri Tıan-Shan qońyr aıýlary 15 márte fototuzaqqa túsken. Jyrtqysh ań barlyq iri shatqaldarda teńiz deńgeıinen 1200-2800 metr bıiktikte aralas jáne qylqan japyraqty ormandarda meken etedi. Alaıda, byltyr 3470 metr bıiktikte júrgeni fototuzaqqa ilikken bolatyn»,- delingen habarlamada.
Kúzgi sanaqqa sáıkes Almaty qoryǵy aýmaǵynda 26 Tıan-Shan qońyr aıýy bar.