Almaty halqynyń 90 paıyzynda elektrondy densaýlyq pasporty bar

ALMATY. QazAqparat - Almaty densaýlyq saqtaý salasynda tutynýshylar tsıfrlyq medıtsınanyń ıgiligin aıqyn sezine bastady. Búginde qalalyqtardyń basym kópshiligi Egov.kz">Egov.kz portaly jáne basqa da alańdardan elektrondy qyzmetterdi alyp, ýaqytyn únemdep júr, dep habarlaıdy QazAqparat tilshisi.
None
None

Almaty aýrýhanalaryndaǵy zamanaýı tynys lebi týraly Respýblıkalyq elektrondy densaýlyq saqtaý ortalyǵy Almaty qalalyq fılıaly dırektorynyń orynbasary Erbol Darhambaev aıtyp berdi.

Qandaı zamanaýı reforma bolmasyn, halyq ıgiligi úshin jasalatyny belgili. Ásirese, alǵysy men syny qatar júretin densaýlyq saqtaý salasynyń mańyzy óte joǵary. Adamnyń ómir súrý sapasy medıtsınalyq, áleýmettik qyzmetterge qoljetimdiligimen ólshenedi.

«Medıtsınalyq qyzmet sapasy halyqtyń áleýmettik kóńil-kúıiniń asa mańyzdy komponenti bolyp sanalady», - degen bolatyn Prezıdent bıylǵy Joldaýynda.

Medıtsına salasynda tsıfrlyq tehnologııalardy paıdalaný birqatar kórsetkish boıynsha tıimdi áser beretini aıqyndalǵan. Atap aıtqanda, medıtsınalyq qyzmetkerlerdiń tıimdiligi, dıagnostıka men emdeý sapasy, medıtsınalyq kómektiń qoljetimdiligi artady.

«Tsıfrlyq densaýlyq saqtaý salasyndaǵy eń mańyzdy jetistik aqparattyq júıelerdiń birigýi bolmaq. Úlken málimetter bazasy (big data), blokcheın tehnologııasy, dıagnoz qoıyp, em jasaı alatyn jasandy ıntellektini damytý medıtsınalyq málimetterdi biryńǵaı bazaǵa biriktirýdi talap etedi. Bul - adam densaýlyǵy týraly sýbektıvti jáne obektıvti aqparatty mashına tiline aýdarý degendi bildiredi», - dedi Erbol Darhambaev.

Onyń aıtýynsha, qazir qalada tsıfrlandyrý úrdisteri qarqyndy júrip keledi.  Qaladaǵy 40 medıtsınalyq mekemede patsıentterge tsıfrlyq kómek kórsetý posttary ashylǵan.

Kórmeı-bilmeı jatqan adamdarǵa sol jazbadaǵy mamandar barlyq jeńildikterdi túsindiredi.

Búginde Almatyda mobıldi qosymshalardy 560 070 paıdalanýshy qoldanady. Bul shamamen 20-60 jas aralyǵyndaǵy ınternetti belsendi paıdalanatyn azamattardyń 53% qamtıdy. Jyl sońyna deıin qoldanýshylardyń sanyn 600 myńǵa jetkizý josparda bar.

Sonymen qatar, qazir kez-kelgen almatylyq  mobıldi onlaın qosymshalardy, Egov portaly, jeke kabınetterdi paıdalana otyryp dárigerge jazylyp, qan jáne basqa da taldaýlardyń nátıjesin bilýge, em sharalary týraly tolyq aqparat bile alady.

Búginde Almatyda 1 676 437 elektrondy densaýlyq  pasporty ashylǵan. ıAǵnı, tirkelgen azamattardyń 90 paıyzyna jýyǵy elektrondy pasportqa ıe.

Sonymen qatar, Almatyǵa qatysty aıtyp óter jetistikterdiń biri retinde QR DSM men IBM kompanııasy arasyndaǵy memorandýmdy ataýǵa bolady.

Qazaq Onkologııa jáne Radıologııa ǴZI bazasynda pılotty joba engizilip jatyr. Aprobatsııadan Watson for oncology jasandy ıntellektisi ótýde. IBM tehnologııasy onkolog dárigerlerge kóp jaǵdaılarda durys sheshim qabyldaýǵa septigin tıgizbek.

Respýblıkalyq elektrondyq densaýlyq saqtaý ortalyǵy Almaty qalalyq fılıalynyń dırektorynyń orynbasary Darhambaev Erboldyń aıtýynsha, patsıentter týraly málimetterdiń atvomatty túrde jınaqtalýy, dıagnozdar tarıhy, klınıkalyq kórsetkishter, jedel járdem shaqyrý, aýrýhanaǵa jatý týraly málimetter, medıtsınalyq qyzmettiń sapasyna qanaǵattaný týraly málimetter emdeý sapasyn arttyrýǵa septigin tıgizbek.

«Eger dáriger patsıenttiń jaǵdaıyn tolyq bilip tursa, klınıkalyq kórsetkishterdiń dınamıkasy aıqyn bolsa, asqyný jaǵdaılary týraly der kezinde kórip otyrsa, onda dárigerdiń jumysy da tıimdi bolmaq. Ol der kezinde emdeý kýrsyn ózgerte alady. Sonymen qatar, qaǵaz aınalamyn azaıtý, kadr resýrstaryn ońtaılandyrý múmkin bolsa, memlekettiń kóp resýrstaryn únemdeýge bolady», - dedi E.Darhambaev.

Almatyda qazir 72 mekemede «qaǵazsyz aýrýhana» pılottyq baǵdarlamasy júzege asyp jatyr. 2019 jyldyń 1 qańtarynan bastap bul mekemeler atalǵan formatqa 100 paıyz kóshedi.

Almaty turǵyny Kembaı Qartaıǵanov tsıfrlyq medıtsınanyń alǵashqy ıgilikterin kórip júr. 59 jastaǵy jigit aǵasy adam densaýlyǵyna mán berýdiń tereńdeı bastaǵanyna dán rıza.

«Ýchaskelik dáriger maǵan «DamýMed» qosymshasyn ornatyp bergen bolatyn. Sol qosymshada maǵan skrınıngten ótý jóninde habarlama keldi. Buryn bolsa osyny emhanaǵa barmasaq nemese medbıkeler habarlasqanda úıde bolmaı qalsaq, bilmes te edik. Qosymsha arqyly holesterınge, qantqa qan tapsyrý kerektigin, onkologııalyq tekserýden ótý kerektigin bildim. Dárigerge qosymsha arqyly jazyldym. Ádettegideı, regıstratýraǵa kelip nemesa telefon shalyp áýrelenbedik. Kópten kelmegen edim. Kóp nárse ózgeripti, elektrondy kezek termınaldary tur. Úlken monıtorlardan adamdar kezekterin kórip ótip jatyr.  Tipti elektrondy qoltańbamen Egov arqyly eńbekke jaramsyzdyq qaǵazyn alýǵa bolady eken. Ol úshin HQKO-ǵa barýdyń qajettiligi joq. Kompıýter tur, qalaǵan anyqtamany basyp shyǵara alasyń. Bul ózgerister men sııaqty adamdarǵa óte kerek dúnıe», - dedi qalalyq №11 emhanasyna tirkelgen patsıent Kembaı Qartaıǵanov.

«Qazaqstannyń álemniń úzdik 30 eli qataryna enýine tek qana JІÓ kórsetkishi yqpal etpeıdi. Oǵan densaýlyq saqtaý, halyq densaýlyǵyn jaqsartý, adam ómiriniń uzaqtyǵy men ómir súrý sapasy da mańyzdy áser etedi. Tsıfrlyq tehnologııalar ásirese medıtsına salasynda medıtsınalyq kómektiń qoljetimdiligi, aýrýlardyń aldyn alý syndy birqatar mańyzdy problemalardyń sheshýi bolady», - delingen «Tsıfrlyq Qazaqstan» memlekettik baǵdarlamasynda.

Сейчас читают