Almaty baraholkasynda qaqtyǵysqa shaqyrǵandar anyqtaldy

NUR-SULTAN. QazAqparat – Іshki ister mınıstriniń orynbasary Alekseı Kalaıchıdı Almatynyń «baraholkasynda» qaqtyǵys týǵyzbaq bolǵan arandatýshylardyń anyqtalǵanyn málim etti, dep habarlaıdy QazAqparat tilshisi.

«Olar ustaldy dep aıta almaımyn. Biraq anyqtaldy. Olardyń barlyǵy boıynsha jumys atqarylady. Sebebi ol jerde janjalǵa shaqyrý boıynsha ákimshilik te, qylmystyq ta quram bar», - dedi Alekseı Kalaıchıdı OKQ-da ótken baspasóz máslıhatynan keıin tilshilerge.

Aıta ketý kerek, keshe qaıǵyly oqıǵadan keıin áleýmetitk jelide Almaty bazarynda kópshilikti qaqtyǵysqa shaqyrǵan adamdardyń vıdeosy taraǵan bolatyn.

Eske sala keteıik, 7 aqpanda Jambyl oblysy Qordaı aýdanyndaǵy Masanchı aýylynyń turǵyndary arasynda jappaı tóbeles boldy. Kóp ótpeı Prezıdent Qasym-Jomart Toqaev Jambyl oblysy Qordaı aýdanynda bolǵan jappaı tóbeleske qatysty pikir bildirgen-di.

«Jambyl oblysy Qordaı aýdanynda buzaqylyq sıpattaǵy jappaı tóbeles boldy. Ony arandatýshylar óz paıdasyna qoldanbaq bolǵan. Polıtsııa jaǵdaıdy rettep, óz baqylaýyna aldy. Qoǵamdyq tártipti buzǵandar jaýapkershilikke tartylady» dep jazdy Qasym-Jomart Toqaev Twitter paraqshasynda.

Keshe Memleket basshysy Jambyl oblysyndaǵy oqıǵaǵa baılanysty málimdeme jasady.