Almaty balabaqshalarynda 19 myń, mektepterde 29 myń oqýshyǵa oryn jetpeıdi

ALMATY. QazAqparat - Almatyda 29 myńnan astam oqýshyǵa oryn jetpeıdi. Bul týraly Memleket basshysy Qasym-Jomart Toqaevtyń Almaty qalasy jurtshylyǵymen kezdesýinde aıtty, dep habarlaıdy QazAqparat.

«Almaty turǵyndarynyń sany jyl saıyn ósip jatyr. Sonyń 60 paıyzy kóshi-qon arqyly júzege asady. Bul jaǵdaı qalanyń áleýmettik ınfraqurylymyna eleýli áser etedi. Qazir qaladaǵy balabaqshalarda 19 myńnan astam oryn jetpeıdi. Bul tapshylyqty azaıtý úshin memlekettik jáne jeke menshik balabaqshalardy shuǵyl túrde salý kerek. Sondaı-aq balalardy memlekettik bilim tapsyrysy arqyly mektepke deıingi jeke bilim berý mekemelerine ornalastyrý qajet. Ákimdikke úshten alty jasqa deıingi balalardyń 97 paıyzyn mektepke deıingi bilimmen qamtýdy tapsyramyn. Bul mindetti 2025 jylǵa deıin oryndaý kerek. Oqýshylardyń sany jyl saıyn orta eseppen 12-15 myńǵa artyp keledi. Sol sebepti, mektepterde oryn tapshylyǵy joǵary. Qazir 29 myńnan astam oqýshyǵa oryn jetpeıdi. Bul ahýal oqýshylardyń sapaly bilim alýyna keri áser etedi. Almatyda aldaǵy eki jyl ishinde «Jaıly mektep» jobasymen 37 myń oryndyq 22 mektep salý kerek. Basty mindet – 2030 jylǵa qaraı bir aýysymmen oqytýǵa tolyq kóshý. Іshki mıgratsııa qarqyndy damyp jatqandyqtan, osyndaı máseleler týyndap otyr. Alaıda, jas urpaqty sapaly balabaqsha, mekteppen qamtamasyz etý – bizdiń mindetimiz. Sondyqtan, bul tapsyrmalar mindetti túrde tolyq oryndalýy kerek», - dedi Memleket basshysy.