Almaty aýrýhanalarynda Qordaıda japa shekken 29 adam jatyr
Búgin vıtse-mınıstr aýrýhanalardy aralap, japa shekkenderdiń jaǵdaıyn bildi.
«Qazirgi ýaqytta 25 adamnyń jaǵdaıy ortasha dep baǵalanyp otyr. 2 patsıenttiń jaǵdaıy aýyr bolsa, Ortalyq klınıkalyq aýrýhana men №7 aýrýhanada jatqan 2 patsıenttiń jaǵdaıy asa aýyr. Bular jansaqtaý bóliminde jatyr. Jambyl oblysynda 12 patsıent aýrýhanada, bireýi adam jansaqtaý bóliminde jatyr», - dedi Kamaljan Nadyrov.
Onyń aıtýynsha, qaqtyǵysta japa shekkenderdiń jasy 17 men 77 jas aralyǵynda. Olardyń barlyǵyna Memlekettik tegin medtsınalyq kómek kólemi aıasynda qyzmet kórsetilip jatyr.
Birneshe kún ishinde Almaty dárigerleri 14 ota jasaǵan.
Jambyl oblysynan patsıentter sanavıatsııa arqyly jetkizildi.
Qalalyq Qoǵamdyq densaýlyqty saqtaý basqarmasy basshysynyń mindetin atqarýshy Tileýhan Ábildaevtyń sózine qaraǵanda, 13 jedel járdem brıgadasy jumyldyrylǵan.
Sonymen qatar, Qordaıda jatqan naýqastardy emdeýge Almatydan 5 reanımatolog, 1 travmatolog, 2 neırohırýrg, 1 tamyr hırýrgy jiberildi.
Densaýlyq saqtaý vıtse-mınıstri Lázzat Aqtaevanyń aıtýynsha, Qordaıdaǵy keleńsiz jaǵdaı saldarynan 182 adam medıtsına qyzmetkerlerdiń kómegine júgingen.
10 adam kóz jumsa, 8 adam asa aýyr halde jatyr.
Eske salaıyq, 7 aqpan kúni Jambyl oblysynyń Qordaı aýdanyndaǵy Masanchı aýylynyń turǵyndary arasynda jappaı tóbeles boldy.
QR Prezıdenti Qasym-Jomart Toqaev buzaqylyq sıpattaǵy jappaı tóbelesti arandatýshylar óz paıdasyna qoldanbaq bolǵanyn málimdedi.
Sondaı-aq vıtse-premer Berdibek Saparbaevtyń tóraǵalyǵymen úkimettik komıssııa qurylatynyn, qaza bolǵandardy jerleý, zardap shekkenderge kómektesý jumystary uıymdastyrylatynyn, qoǵamdyq tártipti buzǵandar anyqtalyp, qatań jaýapqa tartylatynyn málim etti. Bas prokýratýraǵa, Ulttyq qaýipsizdik komıtetine tıisti tapsyrma berildi.
Barlyǵy Qordaı aýdanyndaǵy oqıǵa baılanysty 25-ten astam qylmystyq is qozǵaldy. Bul týraly Іshki ister mınıstrligi Tergeý departamentiniń bastyǵy Sanjar Ádilov málim etken edi.
