Almaty áýejaıynyń jańa halyqaralyq termınalynyń qurylysy qashan aıaqtalady
IIDM basshysy Marat Qarabaev «Almaty halyqaralyq áýejaıy» AQ prezıdenti Alp Er Týnga Ersoımen kezdesý ótkizdi. Kezdesý barysynda áýejaı basshylyǵy Almaty qalasy áýejaıynyń jańa halyqaralyq termınalyn salý jónindegi iri jobanyń iske asyrylýy týraly baıandady.
Kezdesýge qatysýshylar qyzmettiń negizgi baǵyttary men jobalardy iske asyrý kezeńderi bóliginde áýejaıdy perspektıvaly damytý boıynsha jumystyń negizgi aspektilerin talqylady.
Búgingi tańda áýejaı damýynyń oń dınamıkasy jáne jolaýshylar aǵynynyń ósýi baıqalady (2022 jyly áýejaı 7 mln qyzmet kórsetilgen jolaýshy belgisin eńserdi).
Aıta ketý kerek, jobany iske asyrý bekitilgen kestege sáıkes jalǵasýda jáne Memleket basshysynyń baqylaýynda. Jobany aıaqtaýdyń josparlanǵan merzimi 2024 jyldyń birinshi jartyjyldyǵynda. Jańa termınaldyń qurylysy jolaýshylar aǵynyn aıtarlyqtaı arttyrýǵa, ushý geografııasyn keńeıtýge, megapolıstiń turǵyndary men qonaqtaryn jaılylyqtyń joǵary deńgeıimen qamtamasyz etýge múmkindik beredi dep kútilýde.
Mınıstr áýejaıdaǵy qyzmetter men servısti jaqsartý úshin barlyq qajetti sharalardy qabyldaýdy jáne jolaýshylardyń shaǵymdaryna dereý den qoıýdy tapsyrdy.
Óz kezeginde taraptar Almaty qalasynyń áýejaıyn odan ári damytý úshin barlyq kúsh-jigerin salýǵa kelisti.
