Almaty áýejaıynda taksıdiń resmı baǵasy kórsetilgen aqparattyq taqtalar ilindi
Almaty halyqaralyq áýejaıynyń baspasóz qyzmetiniń málimeti boıynsha, aqparattyq stendter men býkletter áýejaıdyń halyqaralyq reıster ushyp keletin aýmaǵynda ornalastyrylǵan.
«Arnaıy qurylǵan jumys toby Almaty qalasynyń aımaqtary men usynylatyn baǵalardy, sondaı-aq resmı taksı operatorlary qyzmetiniń tarıfteri kórsetilgen aqparattyq stendter men býkletter ázirledi. Materıaldar qazaq, orys, aǵylshyn jáne qytaı tilderinde jarııalandy. Biz taksıdi zańsyz júrgizýshilermen kúresý úshin úshin qoldan kelgen sharalardy jasap jatyrmyz», - dep málimdedi áýejaıdyń baspasóz qyzmetinen.
Eske salsaq, Almatyda shetel azamattaryn áýejaıdan qonaqúıge deıin 800 dollarǵa jetkizgen taksı júrgizýshisi jazalanǵan edi.
Sondaı-aq, Almaty áýejaıynda shetel azamattarynan tasymal qyzmeti úshin qomaqty qarjy alǵan taksı júrgizýshisi bes táýlikke qamalǵan bolatyn.
