Almaty áýejaıynda kólikterge arnalǵan pandýs ashyldy

ALMATY. QazAqparat – Halyqaralyq Almaty áýejaıy aýmaǵyndaǵy vokzal mańy alańynda jóndeý jumystary aıaqtaldy. Áýejaıdyń ekinshi qabatyna kóterilýine múmkindik beretin kólikterge arnalǵan pandýs ashyldy, dep habarlaıdy QazAqparat tilshisi.

«Vokzal aýmaǵyndaǵy ekinshi qabattyń pandýsy kólik qozǵalysy úshin ashyq», dep habarlady Almaty áýejaıdyń baspasóz qyzmeti.
Eske salaıyq, avtokólikterge arnalǵan pandýs Almaty áýejaıy aýmaǵyndaǵy vokzal mańy alańyn kúrdeli jóndeý men qaıta jańartýǵa baılanysty byltyr qyrkúıek aıynda jabylǵan bolatyn.
Qazir aýmaǵy 55 myń sharshy metr bolatyn halyqaralyq áýejaıdyń jańa termınalynyń qurylysy qarqyndy júrip jatyr. Ol 2024 jyldyń maýsym aıynda aıaqtalady dep josparlanǵan.

Búginde jumystyń 65 paıyzdan astamy oryndaldy.
Aıta keteıik, byltyr Almaty áýejaıynyń jańa halyqaralyq jolaýshylar termınalynyń tujyrymdamalyq dızaıny qoǵamdyq talqylaýdan ótken edi.