Almaty áýejaıy 7 mıllıonynshy jolaýshyny qarsy alady

ALMATY. QazAqparat - Búgin Almaty halyqaralyq áýejaıy óziniń jeti mıllıonynshy jolaýshysyn qarsy aldy, dep habarlaıdy QazAqparat tilshisi.

Áýejaı baspasóz qyzmetiniń málimetinshe, Aqnur Dosmaǵambetova Astana-Almaty baǵytynda KC852 reısimen kelgen 7 mıllıonynshy jolaýshy atandy. Áýejaı ókilderi ony VIP aımaǵynda qarsy alyp Antalııaǵa eki adamǵa arnaǵan sertıfıkat tabys etti.

«Bıyl biz úshin rekordtyq jyl boldy. Almaty áýe aılaǵynyń ótkizý qabiletin 14 mıllıon jolaýshyǵa deıin arttyrý úshin biz 2024 jyldyń jazynda paıdalanýǵa beriletin jańa halyqaralyq jolaýshylar termınalyn salýǵa kiristik»,- delingen habarlamada.

Buǵan deıin Almaty áýejaıy VIP termınaldy jańa orynǵa kóshirýge qatysty túsinik bergen bolatyn.

Foto: Áýejaıdyń baspasóz qyzmeti