Almaty Arena muz saraıynda órt shyǵyp, 4 bala qutqaryldy

ALMATY. KAZINFORM – Almaty Arena kópfýnktsıonaldy muz kesheni aýmaǵyndaǵy órt shyqty.

Onyń vıdeosy áleýmettik jelide tarady. 

Tótenshe jaǵdaılar departamentiniń málimetinshe, 25 qańtarda Alataý aýdanynda ornalasqan «Nurkent-7» shaǵyn aýdanynda muz kesheniniń birinshi qabatynan órt shyqty.

Órt sóndirý bólimsheleri jetkenshe kelýshiler men qyzmetkerler ǵımarattan shyǵyp úlgergen.

Gaz-tútinnen qorǵaý qyzmetiniń mamandary barlaý jáne órtti sóndirý barysynda 2013, 2016, 2019 jáne 2012 jyly týǵan tórt bala qutqardy.

Úlken órt júktemesine qaramastan, órt sóndirýshiler órttiń irgeles oryn-jaılarǵa taralýyna jol bergen joq.

Órt 15:52-de sóndirildi. Qyzyl jalyn 40 sharshy metr aýmaqty sharpyǵan.

Osyǵan deıin Jezqazǵan qalasynda janarmaı quıý stantsııasynda órt shyǵyp, úsh kóliktiń janyp ketkeni týraly jazǵan bolatynbyz.