Almaty ákimi: «Bıýdjetke qatysý» jobasyn qarjylandyrý artady

ALMATY. QazAqparat- Almatyda «Bıýdjetke qatysý» jobasyn qarjylandyrý artady. Bul týraly Baqytjan Saǵyntaev Memleket basshysynyń zardap shekken bıznesti qalpyna keltirý jáne qalany odan ári damytý týraly tapsyrmalaryn oryndaý boıynsha ótken qala aktıvinde aıtty, dep habarlaıdy QazAqparat tilshisi.

Baqytjan Saǵyntaevtyń aıtýynsha, almatylyqtar «Bıýdjetke qatysý» jobasyna belsendi qatysyp jatyr. Qalalyqtardan túsken usynystar úsh esege ósti.

«Bıyl jobany júzege asyrýǵa 7,4 mlrd teńge baǵyttalǵanyn atap ótkim keledi. Halyq tarapynan suranystyń artýyna qaraı qarjylandyrý kólemi ulǵaıady», - dedi qala ákimi.

Sonymen qatar, ol qalada abattandyrý jumystary jalǵasatynyn atap ótti.

«Kóktemde áýejaıdan Tuńǵysh Prezıdent saıabaǵyna deıingi qoǵamdyq keńistikterdi abattandyrý (uzyndyǵy 25 km), toǵyz kósheni (17 km) rekonstrýktsııalaý bastalady. 2023 jylyǵa josparlanǵan segiz kóshe boıynsha joba ázirlenetin bolady»,- dedi Baqytjan Saǵyntaev.