Almaty aglomeratsııasynyń taý klasterine $1 mlrd qarjy tartylady

ALMATY. QazAqparat - Almaty bıligi Almaty oblysyndaǵy taý klasterin damytýǵa 1 mlrd AQSh dollary kóleminde ınvestıtsııa tartýdy josparlap otyr. Bul týraly búgingi esepti kezdesýde belgili boldy, dep habarlaıdy QazAqparat tilshisi.

«Almaty aglomeratsııasyndaǵy taý klasterin damytý boıynsha frantsýz jáne avstrııa sarapshylarymen sheberlik jospary quryldy. Jobany júzege asyrý arqasynda 1 mlrd AQSh dollary kóleminde ınvestıtsııa tartýǵa bolady. 200 shaqyrym shańǵy joly, atalǵan nysandarda 50 myńǵa jýyq jańa jumys ornyn, jaqyn salalarda qosymsha 45 myń jumys ornyn ashýǵa bolady. Álemde jańadan ashylǵan árbir onynshy jumys orny týrıstik salada ashylady», - dedi Baýyrjan Baıbek.

Onyń aıtýynsha, 2025 jylǵa taman Almatynyń týrızm salasynyń jalpy aımaqtyq ónim kórsetkishin 6 paıyzǵa jetkizý oıda bar.