Almatynyń taǵy bir aýdanynda sýyq sý óshiriledi

ALMATY. KAZINFORM – «Almaty Sý» kásiporny Túrksib aýdanynda sýyq sý bolmaıtynyn habarlady. Aýdan aýmaǵyndaǵy sýmen jabdyqtaý jelilerinde josparly profılaktıkalyq jumystar júrgiziledi.

«30 mamyrda saǵat 08:00-den 20:00-ge deıin sý qubyry jelilerindegi tehnologııalyq jabdyqty aýystyrý jáne jańa sý qubyryn sýmen jabdyqtaý júıesine qosý jóninde josparly profılaktıkalyq jumystar júrgiziletin bolady. Osyǵan baılanysty, Nıjnıaıa Pıatıletka turǵyn alabyndaǵy Engels-Volgogradskaıa Radýs Zenkovıch – Spasskaıa – Bekmahanov kósheleriniń kontýrynda sýyq sýmen jabdyqtaý ýaqytsha shekteledi. Lermontov – Volgogradskaıa-Nursaıa, Spasskaıa kósheleri sharshysynda ornalasqan tutynýshylarda sý qysymynyń tómendeýi kútilýde. Bekitkish jabdyqtardy jáne ózge de tehnologııalyq jabdyqty aýystyrý jónindegi jumystardy ýaqtyly oryndaý atalǵan ýchaskelerdiń tutynýshylaryn sapaly jáne turaqty sýmen qamtamasyz etýge múmkindik beredi», – dep habarlady «Almaty Sý» baspasóz qyzmetinen.

Aıta keteıik, buǵan deıin 29 mamyr saǵat 08:00–den 20:00–ge deıin Bostandyq, Almaly, Áýezov aýdandarynda sý berý toqtatylatynyn jazǵanbyz.