Almatynyń metro beketterinde bıyl 70-ten astam qaýipti zattar tabyldy
ALMATY. KAZINFORM - Almatynyń metrosynyń 11 beketinde jyl basynan beri 70-ten astam pyshaq, kastet jáne basqa da qaýipti zattar tárkilengen. Bul týraly Almaty qalasynyń Polıtsııa departamenti habarlady.
Metropolıtendegi polıtsııa basqarmasynyń bastyǵy Nurjan Tańatarovtyń aıtýynsha, metropolıtenniń qaýipsizdigin qamtamasyz etý úshin ár bekette polıtsııa pýnktteri ornalasqan.
- Ár bekette polıtsııa pýnktteri ornalasqan, onda qyzmetkerler táýlik boıy qoǵamdyq tártip pen azamattardyń qaýipsizdigin qamtamasyz etedi. Polıtsııa pýnktterinde kezekshi narıad, senip tapsyrylǵan aýmaqty aralap, baqylaıdy. Sondaı-aq kúndelikti jasaq quramyna qyzmettik-izdestirý ıtteri bar polıtsııa kınologtary kiredi. Olar jarylǵysh zattar men jarylǵysh qurylǵylardy anyqtaý úshin elektr poıyzdaryn, metro stantsııalarynyń qyzmettik ǵımarattaryn jáne qoımalardy tekseredi, - dedi Nurjan Tańatarov.
Sonymen qatar onyń aıtýynsha, bıyl Almaty metrosynda 70-ten astam pyshaq, kastet jáne basqa da qarýlar tárkilenip, esirtkini saqtaýdyń 13 dereginiń joly kesilgen.
Eske salaıyq, buǵan deıin Almaty metropolıteni saýda núktesin jalǵa alýshylardy zańsyz salyq tóleýge májbúrlegenin jazǵan edik.