Almatynyń Medeý aýdanynda sý máselesi jyl sońyna deıin sheshiledi
Medeý aýdanynda Kamenskoe ústirti, Kólsaı, Muztaý jáne ıÝbıleınyı shaǵynaýdandaryn turaqty sýmen qamtamasyz etý úshin 2 jańa aýyzsý jelisi, 4 uńǵyma jáne sý jınaǵyshtardyń qurylysy júrgizilip jatyr, dep habarlaıdy QazAqparat tilshisi.
«Jeltoqsan aıynyń sońyna deıin qurylys-montaj jumystaryn aıaqtaý josparlanýda. Jobany júzege asyrý Kamenskoe ústirti, Kólsaı, Muztaý jáne ıÝbıleınyı shaǵyn aýdandarynyń 20 myńnan astam turǵynyn úzdiksiz sýmen qamtamasyz etýge múmkindik beredi», - dedi Erbolat Dosaev Medeý aýdany turǵyndarymen kezdesýinde.
Sondaı-aq sáýir aıynda jalpy uzyndyǵy 46 shaqyrym sý qubyry jáne káriz jelileriniń qurylysy bastaldy. Kólsaı, Keńsaı yqshamaýdandary men Halıýllına kóshesi boıyndaǵy jumystardy aıaqtaý qarasha aıyna josparlanǵan.
«Shilde aıynda Nurmaǵambetov, R.Baǵlanova, Ormanov kósheleri men T.Bıgeldınov kóshesiniń bir bóliginde jáne «Kompot» shaǵynaýdanynda jumysty bastadyq. Jumys bıyl aıaqtalady. Birinshi deńgeıli jol tósemin jasaımyz. Kelesi jyldyń kókteminde joldardy tolyǵymen qalpyna keltiremiz», – qala ákimi.
Onyń aıtýynsha, qalǵan kóshelerdegi jumystar 2024 jyldyń shilde aıynda aıaqtalady.
«Dýman» shaǵynaýdanyndaǵy eki joba men «Sulýsaı» shaǵyn aýdanynda jalpy uzyndyǵy 17 km eki uńǵyma, sý qubyry jáne káriz jelileriniń qurylysy memlekettik saraptamadan ótti, oń qorytyndylar shyǵaryldy. Dýmanda jumystar qazan aıynda bastalady. Al Sulýsaıda uńǵymalardyń qurylysy qarashada, konkýrstyq rásimder ótkizilgennen keıin bastalady. Jelilerdi tartý jumystary 2024 jylǵa josparlanǵan»,- dedi ol.
Budan bólek, «Alataý» yqshamaýdandary men Malaıa Stanıtsa aýdanynda (32 kóshede) jeltoqsan aıynda sý qubyry jáne káriz jelileriniń qurylysyna saraptama júrgiziletin bolady.
Eske salaıyq, shilde aıynda jaýyn-shashynnyń saldarynan Medeý aýdany sýsyz qalǵan bolatyn. Birneshe kún turǵyndarǵa aýyz sý kólikpen jetkizildi.