Almatynyń qoǵamdyq kólikterinde dabyl batyrmasyn ornatý qarastyrylyp jatyr
ASTANA. KAZINFORM – Almaty qalasynyń qoǵamdyq kólikterine dabyl batyrmasyn ornatý jaǵy qarastyrylýda. Bul týraly Іshki ister mınıstrligi ákimshilik polıtsııa komıtetiniń tóraǵasy Qaısar Sultanbaev málim etti.
«Qoǵamdyq kólikterdegi tártip baqylaý polıtseılerdiń nazarynan tys qalyp keledi. Taıaýda Almaty qalasynda qoǵamdyq kólikpen jol apaty bolyp, saldarynan úsh adam qaıtys boldy. Taǵy bir fakt jolaýshy shetel azamattaryna tıisken. Biz jolaýshylardy tasymaldaýshy kompanpııalardyń basshylarymen kezdesip, qoǵamdyq kóliktegi qaýipsizdik máselelerin talqyladyq. Kezdesý barysynda avtobýstarda beınebaqylaý kamerasy jáne dabyl batyrmasyn ornatý jaǵy qaraldy. Sonymen qatar profılaktıkalyq is-sharalar ótkizdik», - dedi Qaısar Sultanbaev Ortalyq kommýnıkatsııalar qyzmeti alańynda ótken baspasóz máslıhatynda.
Komıtet basshysynyń aıtýynsha, dabyl batyrmasyn ornatýǵa jergilikti atqarýshy organdar men qoǵamdyq kólikter mekemesiniń ıeleri jaýapty.
«Olar qarjylyq jaǵdaıyna qaraı ornatady. Biz qoǵamdyq kólikter mekemesi ıelerimen birlesken jumys istep jatyrmyz. Olardyń kóbisi kelisip otyr. Endi jergilikti atqarýshy organdarmen jumys júrgizemiz», - deıdi ol.
Buǵan deıin habarlaǵanymyzdaı, elimizde elektrsamokattarǵa arnalǵan bólek jol salý qarastyrylyp jatyr.
