Almatynyń keı aýdandarynda 2 kún sýyq sý bolmaıdy

ALMATY. KAZINFORM — Almatyda jańa sý qubyrlary iske qosý boıynsha josparly jumystar júrgiziledi. 

«Almaty Sý» mekemesiniń málimetinshe, bul jumystarǵa baılanysty 23 qyrkúıekte saǵat 09:00–den 17:00–ge deıin Bostandyq aýdanynda ornalasqan turǵyn úıler men ákimshilik ǵımarattarǵa sýyq sý berý ýaqytsha toqtatylady. Olar:

— Serkebaev dańǵyly — Ál-Farabı dańǵyly — Úlken Almaty ózeni — Malahov kóshesi — Qojabekov kóshesi;
— Ál-Farabı dańǵyly — Vıtebsk kóshesi — Hýsaınov kóshesi — Úlken Almaty ózeni.

Sondaı-aq 24 qyrkúıekte saǵat 09:00–den 17:00–ge deıin sýyq sý berý ýaqytsha Mustafın kóshesinen Saın kóshesine deıingi Toraıǵyrov kóshesiniń soltústik jaǵynda toqtatylady.

— Keltirilgen ýaqytsha qolaısyzdyqtar úshin keshirim suraıdy jáne tutynýshylardan tehnıkalyq jumystar júrgizýdiń qajettiligine túsinistikpen qaraýdy ótinedi, — dep habarlady «Almaty Sý».

Eske salaıyq, buǵan deıin Almatyda jıi sý basatyn ýchaskelerde jańa aryq júıesi salynatynyn jazǵanbyz.