Almatynyń eki aýdanynda sýyq sý óshiriledi

ALMATY. KAZINFORM – «Almaty Sý» kompanııasy Naýryzbaı jáne Bostandyq aýdandarynda sýyq sý berý ýaqytsha toqtatylatynyn habarlady.

Sýyq sý ınjenerlik jelilerdi aýystyrý jumystaryna baılanysty óshiriledi.

Kestege sáıkes, 2025 jylǵy 13 qazan saǵat 22:00-den 14 qazan saǵat 08:00-ge deıin sýyq sý bolmaıtyn aýmaqtar:

• Naýryzbaı aýdany – Rahat jáne Quramys shaǵynaýdandary (shyǵys bóligi);

• Bostandyq aýdany – Mıras shaǵynaýdany, Presidents Park turǵyn úı kesheni, Private Hospital, Almaty Jaılaý golf klýby.

Sonymen qatar 2025 jylǵy 14 qazan saǵat 22:00-den 15 qazan saǵat 08:00-ge deıin ınjenerlik jelilerdi aýystyrý jumystary kezinde sýyq sý kelesi mekenjaılarda bolmaıdy:

• Naýryzbaı aýdany – Rahat jáne Quramys shaǵynaýdandary (shyǵys bóligi);

• Bostandyq aýdany – «Solnechnaıa dolına», «Miras Park», «Dolına Roz», «Tań Nury» turǵyn úı keshenderi jáne Mıras shaǵynaýdany.

Kompanııa turǵyndardan ýaqytsha qolaısyzdyqtar úshin keshirim surap, tehnıkalyq jumystarǵa túsinistikpen qaraýdy ótindi.

Eske salaıyq, buǵan deıin qazan aıynan bastap Almatydaǵy sýyq sýmen jabdyqtaý jáne sý burý qyzmetteriniń tólemderi jańa tarıfter boıynsha alynatynyn jazǵanbyz.

Tarıfterdi tómendetý Tabıǵı monopolııalardy retteý komıtetiniń Almaty boıynsha departamentiniń talaptaryna sáıkes júzege asyryldy.