Almatynyń eki aýdanynda sýyq sý bolmaıdy

ALMATY. KAZINFORM – Almaly jáne Bostandyq aýdandarynda 20 mamyr kúni sý ýaqytsha óshiriledi.

«Almaty sý» mekemesiniń málimetinshe, BRT jelisiniń qurylysy bolyp jatqan aımaqtardaǵy sý qubyry jelilerinde tehnologııalyq jabdyqtar aýystyrylyp jatyr. Osyǵan baılanysty 20 mamyr saǵat 09:00-den 20:00-ge deıin Almaly jáne Bostandyq aýdandaryndaǵy kelesi aýmaqtarda sýyq sý berý ýaqytsha shekteledi:

* Nazarbaev dańǵyly – Maqataev kóshesi – Raıymbek dańǵyly – Chaıkovskıı kóshesi;

* Abaı dańǵyly – Nazarbaev dańǵyly – Qabanbaı batyr kóshesi – Seıfýllın kóshesi;

* Abaı dańǵyly – Seıfýllın kóshesi – Qurmanǵazy kóshesi – Baıtursynov kóshesi.

Sondaı-aq «Ovatsııa» turǵyn úı kesheni, №90 mektep-lıtseıi, №147 gımnazııasy, №120 mektep-gımnazııasy, №30 jáne №139 balabaqshalar, Qazaq ulttyq agrarlyq ýnıversıteti, Lermontov atyndaǵy teatr, Sport jáne týrızm akademııasy, A.N.Syzǵanov atyndaǵy hırýrgııa ǵylymı ortalyǵy, qalalyq revmatologııa ortalyǵy sekildi áleýmettik jáne ákimshilik nysandarda da sý berý ýaqytsha shekteledi.

- Jumystar aıaqtalǵannan keıin sýdy berý kezeń-kezeńimen qalpyna keltiriledi. Bul protsess jabdyqtardy mindetti túrde synaý jáne iske qosý jumystarymen baılanysty sál kidirip ótýi múmkin. Júrgizilip jatqan jumystarǵa túsinistikpen qaraýlaryńyzdy suraımyz, - dep habarlady «Almaty sý» mekemesi.

Eske salaıyq, buǵan deıin Almatyda 260 shaqyrym sý qubyry jelisi salynyp, qaıta jańǵyrtylatynyn jazǵanbyz.