Almatynyń bir aýdany jaryqsyz qaldy

ALMATY. KAZINFORM – Almatyda Áýezov aýdanynyń turǵyndary tańǵy saǵat segizden beri jaryqsyz otyr.

Alataý Jaryq Kompanııasy» AQ málimetinshe, 30 maýsym saǵat 08:10-da Áýezov aýdanyna qarasty №1, №2, Aksaı-1 shaǵynaýdanynda elektr energııasy ishinara óshken.

Aqaýdyń sebebi – kabel jelisiniń zaqymdanýy.

– Qazir №1 jáne №2 shaǵynaýdandarda elektrmen jabdyqtaý tolyq qalpyna keltirildi. Aksaı-1 shaǵynaýdanynda apattyq-qalpyna keltirý jumystary jalǵasyp jatyr. «Alataý Jaryq Kompanııasy» AQ mamandary elektrmen jabdyqtaýdy tez arada qalpyna keltirý úshin barlyq qajetti sharany qoldanyp jatyr, – dep habarlady kompanııadan.

Eske sala keteıik, josparly jóndeý jumystarynyń ýaqyty, túri jáne mekenjaılary kórsetilgen keste kompanııanyń resmı www.azhk.kz saıtynda turaqty túrde jarııalanyp otyrady.

«Apatty óshirýler» ınteraktıvti bóliminde elektrmen jelilerindegi aqaýlar týraly onlaın rejıminde aqparat alýǵa bolady.

Eske salaıyq, buǵan deıin Almatynyń bir bóligine jaryq sónip qalǵanyn jazǵanbyz.