Almatynyń Bostandyq aýdanynda jylý jelileri zaqymdandy

ALMATY. KAZINFORM — Bostandyq aýdanynda jylý jelileri zaqymdanyp, birneshe turǵyn úıde ystyq sý óshirildi.

Aýdan ákimdiginiń málimetinshe, Mustafın jáne Toraıǵyrov kósheleriniń qıylysynda jylý jelilerinde apatty aqaý tirkelgen. Atalǵan jeliler úsh kóppáterli turǵyn úıdi jylýmen jáne ystyq sýmen qamtamasyz etedi.

— Qazir «Almaty jylý jelileri» JShS-nyń jóndeý qyzmeti qalpyna keltirý jumystaryn júrgizip jatyr. Barlyq qajetti sharalar aıaqtalǵan soń, aýmaq tolyq abattandyrylyp, jaıaý júrginshiler aımaǵy burynǵy qalpyna keltiriledi. Ýaqytsha qolaısyzdyqtar úshin túsinistik pen sabyr tanytqandaryńyzǵa alǵys bildiremiz, — dep habarlady Bostandyq aýdanynyń ákimdigi.

Eske salaıyq, buǵan deıin Almatynyń bir aýdanynda apatqa baılanysty ystyq sý óshirildi.