Almatylyqtardyń ortasha jalaqysy qansha

ALMATY. KAZINFORM – Almatyda osy jyldyń birinshi toqsanynda qalada ortasha eńbekaqy 16,4 paıyzǵa ósip, 454 myń teńge boldy. 

Qala ekonomıkasy basqarmasy málim etkendeı, sáýir aıynda ınflıatsııa naýryz aıynda 9,7%-dan 9,1%-ǵa deıin baıaýlady. 2024 jyly jyldyq ınflıatsııa odan ary 7-8%-ǵa deıin baıaýlaıdy dep boljanyp otyr. 

«Qalada turaqty jumys oryndaryna basa nazar aýdara otyryp, jańa jumys oryndary qurylyp jatyr. Jyl basynan beri 19,5 myń adam jumysqa ornalasty. Jyl sońyna deıin 87 myń turǵyn eńbekpen qamtylady. Onyń 61%-y turaqty. Bul rette, qabyldanyp jatqan sharalardyń arqasynda jumyssyzdyq deńgeıi – 2024 jyldyń birinshi toqsanynda 4,7%-ǵa deıin tómendeıdi», - dep habarlady basqarmadan. 

2024 jyldyń birinshi toqsanynda Almatyda ortasha jalaqy 454 myń teńge (respýblıka boıynsha – 382 myń teńge) boldy. Nomınaldy mánde jalaqy 16,4%-ǵa, naqty mánde 6%-ǵa ósti.