Almatylyqtardyń ortasha jalaqysy – 470 myń teńge

ALMATY. KAZINFORM – Almatylyqtardyń ortasha aılyq jalaqysy 6,1 paıyz ósti. Bul týraly qalalyq Ekonomıka basqarmasynyń basshysy Dastan Ómirbaev máslıhat sessııasynda aıtty.

– Qarashada jyldyq ınflıatsııa Almaty qalasynda 9,0 paıyzǵa deıin baıaýlady. Jyl qorytyndysy boıynsha ınflıatsııa 8,5%-ǵa, al 2025 jyly ınflıatsııanyń 7,5 paıyzǵa deıin tómendeýi múmkin, - dedi ol.

Aıtýynsha, Almatyda ortasha aılyq 6,1 paıyzǵa ósip, 470 myń teńgege jetti.

– Qala ekonomıkasynyń aldaǵy 5 jylǵa ortasha jyldyq ósý qarqyny 5,8% deńgeıinde boljanady. Bul Almatynyń jalpy óńirlik óniminiń kólemin osy jylǵy 28,2 trln teńgeden, 2029 jyly 47,4 trln teńgege deıin ulǵaıtýǵa múmkindik beredi. Jalpy, osy jyly qala ekonomıkasynyń ósimi 5,5% deńgeıinde kútilýde. 2025 jyly ekonomıkalyq ósim 6,4 paıyzǵa jetedi, – dedi basqarma basshysy.

Osy jyldyń basynda elimizde 1,8 mln adamnyń jalaqysy óskeni týraly jazǵan edik.