Almatylyqtar tegin quqyqtyq kómek ala alady
ALMATY. KAZINFORM — Almatyda quqyqtyq tegin kómek usynatyn joba iske qosylady.
«Zań men ádildik — eldiń irgetasy» jobasynyń jetekshisi Aıgerim Qadyrqulovnyń aıtýynsha, almatylyqtar zańgerler kómegine tegin júgine alady. Jobanyń negizgi maqsaty — quqyqtyq saýattylyqty arttyryp, zań men tártip mádenıetin qalyptastyrý.
— Quqyq buzýshylyqtyń edáýir bóligi ádeıi emes, zańdy bilmegen bolady. Adamdar óz quqyǵyn túsine bermeıdi, zań jaǵyna da kóbi olaqtaý. Joba zań kómegin barynsha qoljetimdi etýge baǵyttalǵan. Qalada zańgerlerdiǵ jedel toptar jumys isteıdi, barlyq aýdanda kóshpeli keńes ótkizemiz. Sondaı-aq qoǵamdyq oryndar men aýlalarda turǵyndarmen kezdesý uıymdastramyz. Bizde jedel jeli men chat-bot ta ashylǵan, onda ótinish, shaǵym men basqa da qujattyń úlgisin alýǵa bolady, — dedi Aıgerim Qadyrqulova.
Jobaǵa memlekettik organdar, Qoǵamdyq keńes músheleri men zańgerlik qaýymdastyq ókilderi qatysady. Joba jetekshisi quqyqtyq kómekti 8 747 104 76 69 telefony arqyly alýǵa bolatynyn atap ótti.
Eske salaıyq, elimizdegi mektepter men kolledjderde quqyqtyq mádenıet sabaǵy bastaldy.