Almatylyqtar medıtsınalyq saqtandyrýǵa 161 mlrd teńge tóledi

ALMATY. KAZINFORM – Jyl basynan beri ońtústik astana turǵyndary Medıtsınalyq saqtandyrý qoryna 161 mlrd teńgeden astam qarjy aýdarǵan.

Qor málimetinshe, bıyl elimiz boıynsha medıtsınalyq saqtandyrýǵa 911 mlrd teńge túsken. Onyń ishinde, orta eseppen almatylyqtardyń aı saıynǵy jarnalary men aýdarymynyń mólsheri 15-16 mlrd teńge.

«Túsken qarjynyń basym bóligi – jumys berýshilerdiń qaramaǵyndaǵy qyzmetkerler úshin jasaǵan aýdarymdary. 10 aıda jumys berýshilerden 89 mlrd teńge túsken. Jaldamaly jumyskerlerdiń jarnasy 58,7 mlrd teńgeni qurady», - deıdi MSQ Almaty fılıalynyń dırektory Іlııas Muhamedjan.

Sonymen qatar, MÁMS jarnasyn aı saıyn jeke kásipkerler de aýdarady. Ótken 10 aıda bul sanat 8,5 mlrd teńge, al azamattyq-quqyqtyq kelisimshart boıynsha eńbek etetinder 3,3 mlrd teńge jarna tólegen.

Sońǵy kezde jarnany óz betinshe tóleıtinder sany artyp keledi. Osy jyldyń 10 aıynda olar 1,1 mlrd teńge jarna aýdarǵan.

Osyǵan deıin Qarjy mınıstri Mádı Takıev, medsaqtandyrý qoryna respýblıkalyq bıýdjetten 1,3 trln teńge bólingenin málimdedi. https://kaz.inform.kz/news/medsaktandiru-korina-respublikalik-byudzhetten-13-trln-tenge-bolngen-b2552e/

Sondaı – aq Densaýlyq saqtaý mınıstri Aqmaral Álnazarova, medsaqtandyrý reformasynan keıin óńirlerde ne ózgeretini týraly aıtty.