Almatylyq qutqarýshylar SQO-ǵa kómekke jiberildi

ALMATY. KAZINFORM - Almaty qalasynyń qutqarýshylary Soltústik Qazaqstan oblysyna jiberildi.

Almaty qalalyq TJD-nyń málimetinshe, qutqarýshylar sý tasqynyna qarsy is-sharalarǵa tartyldy.

"Alǵashqy kúnderden bastap Zarechnyıs kentinde, sondaı-aq, Renet, Trýd, Voshod, Nadejda, Obývka, Krıstal, Satýrn, Neptýn, Proektırovşık, Vesna, Jemchýjına, Stroıtelnyı, Klınok, Ivýshka, Tıhaıa zavod, Golýboı ogonek, Zelenyı lýg, Izýmrýd saıajaı alaptarynda evakýatsııalyq sharalar barysynda jergilikti turǵyndardy habardar etý júrgizildi", - dep habarlady TJD-da.

11 sáýirde Petropavl mańyndaǵy Kojevennyı kentindegi turǵyndardy habardar etýge jeke quramnan elýden astam adam jumyldyryldy. Sonymen qatar, almatylyq qutqarýshylar turǵandarǵa múlikti shyǵarýǵa kómek kórsetýde.

Podgora shaǵyn aýdanynyń jergilikti turǵyndaryn evakýatsııalaý týraly jadynamalar taratylyp, túsindirý jumystary júrgizilýde.

"11 sáýirdegi jaǵdaı boıynsha, 3 kún ishinde almatylyqı qutqarýshylar 1430 jeke turǵyn úıdi aralap shyqty", - delinedi habarlamada.

Eske salsaq, almatylyq qutqarýshylar 8 sáýirde Qostanaı óńirine kómekke attanǵan bolatyn.