Almatyǵa keletin sheteldik týrısterdiń sany artqan

Almatyǵa kelgen sheteldik týrısterdiń sany 72,6%-ǵa ósken, dep habarlaıdy QazAqparat tilshisi.

Almaty qalalyq týrızm basqarmasynyń málimetinshe, bıylǵy jyldyń birinshi jartyjyldyǵynda Almatyǵa kelgen sheteldik týrısterdiń sany 261,6 myń adamǵa nemese 72,6%-ǵa ósken.

"BAÁ, Katar, Kýveıt, Iran, Úndistan, Ońtústik Koreıa, Ulybrıtanııa, Germanııadan kelgen sheteldik týrıster aǵynynyń ósýi baıqalady. Jyl sońyna deıin Almatyǵa keletin sheteldik týrısterdiń sany 500 myń adamǵa jetedi dep boljanyp otyr", - dep habarlady qalalyq týrızm basqarmasy.

Vedomstvoda sondaı-aq qalaǵa kelgen ishki týrısterdiń sany 710,6 myń adamǵa nemese 24,6%-ǵa óskenin málimdedi.