Almatyǵa qalyń qar tústi

ALMATY. KAZONFORM – Almatyǵa bir túnde 10 sm qar tústi. Myńnan astam jol jumysshysy men 463 tehnıka qar tazalaýǵa jumyldyryldy.

Qalanyń kommýnaldyq ınfraqurylymdy damytý basqarmasynyń málimetinshe, aryq jelileri arqyly sýdyń kedergisiz ótýin qamtamasyz etý maqsatynda túngi ýaqytta 52 jedel mobıldi brıgada jumys istedi.

«Sý tasqynynyń aldyn alý jáne joıý úshin 465 birlik arnaıy tehnıka, 18 motopompalar jáne 140 jol jumysshylary shyǵýy uıymdastyryldy. 2 200 qap qum bar. Tótenshe jaǵdaılar departamentiniń jedel kezekshisiniń aqparaty boıynsha saǵat 07:00-de sý tasqyny tirkelgen joq», - dep habarlady basqarmadan.

Dıslokatsııa oryndarynda 139 qum taratqysh kezekshilik etedi. Joǵarǵy aýdandarda 120 tonna kóktaıǵaqqa qarsy materıaldar sebilgen. Tańerteńgi saǵat 5-ten bastap qalanyń joǵarǵy bóliginde qar kúreý boıynsha 6 kolonna uıymdastyryldy.

«Tańǵy saǵat 8-den bastap 463 birlik tehnıka men 1 028 jol jumysshysy shyqty. Aýdan ákimdikterinde jumys óndirisin baqylaý boıynsha táýlik boıy kezekshilik uıymdastyryldy», - dep atap ótti kommýnaldyq qyzmetten.

«Qazgıdromet» RMK boljamy boıynsha kúndiz aýa temperatýrasy 0...+2 gradýs. Jaýyn-shashyn saǵat 15:00-ge deıin jaýady dep boljanyp otyr.