«Almatyelektrotrans» seriktestigi 250 mln teńgeni zańsyz jumsamaq bolǵan
ALMATY. KAZINFORM – Almaly aýdanynyń prokýratýrasy «Almatyelektrotrans» jaýapkershiligi shekteýli seriktestiktten memlekettik satyp alý týraly zańdy buzý faktisin anyqtady.
«Seriktestik mindetti saqtandyrý shartyn elektrondyq memlekettik satyp alý portalyn aınalyp ótý arqyly jáne qaǵaz túrinde zańsyz jasaǵan. Prokýratýranyń qoldanǵan sharalarymen mindetti saqtandyrý sharty sot tártibimen buzylyp, 250 mln teńge bıýdjet qarajaty memleket kirisine qaıtaryldy. Kináli tulǵalar ákimshilik jaýapqa tartyldy», — delingen habarlamada.
Eske salaıyq 1 shildede Memleket basshysy «Memlekettik satyp alý týraly» zańǵa qol qoıdy.
Zań satyp alý protsesiniń rásimderin ońtaılandyrýdy, satyp alynatyn taýarlardyń, jumystar men kórsetiletin qyzmetterdiń sapasyn jaqsartýdy, memlekettik satyp alýǵa qatysýshylardyń jaýapkershiligin kúsheıtýdi jáne básekelestikti damytýdy kózdeıdi.
