Almatydan 268 shaqyrym qashyqtyqta jer silkindi

ASTANA. KAZINFORM - QR Tótenshe jaǵdaılar mınıstrligine qarasty seısmologııalyq stantsııalar jelisi saǵat 10:57-de jer silkinisin tirkedi.

Jer silkinisiniń oshaǵy Almatydan ońtústik-shyǵysqa qaraı 268 shaqyrym jerde Qytaı aýmaǵynda ornalasqan.

«Jer silkinisiniń energetıkalyq klasy - 12.1.
MPV Magnıtýdasy - 5.2.
Jer silkinisiniń koordınattary – 41,14° s.e., 78,58° sh.b.

Tereńdigi – 5 km.
Sezilýi týraly aqparat (MSK-64 shkalasy boıynsha): Qazaqstan Respýblıkasynyń aýmaǵynda - joq», - delingen habarlamada.

Buǵan deıin qazaqstandyq seısmologtar Aýǵanstandaǵy jer silkinisin tirkegen bolatyn.