Almatydaǵy jer silkinisine Kemın oshaǵy sebep bolýy múmkin be
ALMATY. KAZINFORM – Seısmologııalyq baqylaýlar jáne zertteýler ulttyq ǵylymı ortalyǵynyń dırektory Dáýlet Sársenbaev Kemın jaryǵy týraly nusqaǵa túsinikteme berdi.
Dáýlet Sársenbaev Almatyda 4 naýryzda bolǵan jer silkinisin bólek seısmıkalyq jaǵdaı dep atady.
«Búgin bolǵan jer silkinisiniń oshaq koordınattaryna súıensek, bul jeke seısmıkalyq oqıǵa. Bul aımaqta mundaı jaǵdaı birinshi ret bolyp otyrǵan joq. 1990 jyly sol aımaqta, sol alańda tirkelgen. 2015 jyly seısmıkalyq oqıǵa boldy. Bul Kemın jaryǵynyń oıanýy ma, ol bir adamnyń boljamy. Biz táýlik boıy zertteý júrgizemiz», - dedi ol.
Buǵan deıin seısmolog Almaty aýmaǵynda joıqyn jer silkinisteri bolmaıtynyn aıtqan bolatyn. https://kaz.inform.kz/news/bolzham-aldagi-kunder-almatida-zhoykin-zher-slkns-bolmaydi-a19c87/
Eske salaıyq, búgin Almatyda 5 baldyq jer silkinisi boldy.
Almaty ákimdigi barlyq jınalý pýnktteri ashyq ekenin málimdedi.
Almaty polıtsııasy kúsheıtilgen rejımge aýysty.
