Almatydaǵy ıAdrolyq fızıka ınstıtýty
Kazinform «Tarıhı foto» aıdaryn usynady. Búgin redaktsııa Almaty qalasyndaǵy ıadrolyq jáne qatty deneler fızıkasy, radıoekologııalyq zertteýler, ıadrolyq jáne radıatsııalyq tehnologııalar salasyndaǵy jetekshi ǵylymı uıym – ıAdrolyq fızıka ınstıtýtynyń qurylý tarıhyn baıandaıdy.
Qazaqstan ǵalymdary HH ǵasyrdyń 50-jyldarynda-aq respýblıkada ıadrolyq fızıka jáne atom energııasyn halyq sharýashylyǵynda paıdalaný salasyndaǵy irgeli jáne qoldanbaly ǵylymı zertteýlerdi damytý qajettigin túsindi.
«Qazaqstannyń óndiristik kúshteriniń keńeıýi Qazaqstan ǵylymyn tıisti deńgeıde kúsheıtýdi jáne eń aldymen ónerkásiptiń, aýyl sharýashylyǵynyń jáne densaýlyq saqtaý salasyna ıadrolyq fızıkanyń sońǵy jetistikterin engizýdi talap etedi», - dep jazdy Qazaq KSR Ǵylym akademııasynyń prezıdenti, akademık Qanysh Imantaıuly Sátbaev KSRO Mınıstrler Keńesi men KOKP Ortalyq Komıtetine joldaýynda.
Qanysh Imantaıulynyń ustanymyn sol kezde Igor Vasılevıch Kýrchatov jáne Qazaqstannyń kóptegen belgili fızıkteri qoldady. Olardyń usynysy KSRO jáne Qazaq KSR úkimeti tarapynan da qoldaý tapty. Qazaq KSR Ǵylym Akademııasynyń Prezıdıýmy 1957 jyldyń 25 shildesinde Qazaq KSR Ǵylym akademııasynyń Fızıka-tehnıkalyq ınstıtýty bazasynda ıAdrolyq fızıka ınstıtýtyn qurý týraly №-14/4 qaýlysyn shyǵardy.
ıAdrolyq fızıka ınstıtýtyn qurý jumysy onyń qurylymyn anyqtaýdan bastaldy. Qazaq KSR Ǵylym akademııasynda onyń quramyna bıologııa ǵylymdary bólimshesiniń, jer týraly ǵylym bólimshesiniń jáne basqa da bólimshelerdiń zerthanalaryn qosýdy jaqtaýshylar boldy. Alaıda ıadrolyq fızıka ınstıtýty qatań fızıkalyq profılge ıe bolýy kerek degen sheshim qabyldandy.
ıAdrolyq fızıka ınstıtýty damyǵan saıyn onyń qurylymy ózgerdi: sektorlar bólimdermen, ortalyqtarmen aýystyryldy, jańa zerthanalar ashylyp, eski zerthanalar túrlendi.
Qazir bul Qazaqstandaǵy atom ónerkásibi salasyndaǵy irgeli jáne qoldanbaly zertteýler men kadr daıarlaý isindegi jalǵyz ortalyq.
