Almatydaǵy Saıran kóline taǵy bir adam batyp ketti

ALMATY. KAZINFORM –  Saıran kóline 48 jastaǵy er adam batyp ketti.

Qalalyq Tótenshe jaǵdaılar departamentiniń málimetinshe, 25 maýsym kúni saǵat 19:26-da súńgýirler 1977 jyly týǵan er adamnyń denesin sýdan alyp shyqty.

Kýágerlerdiń aıtýynsha, marqum mas kúıinde tyıym salynǵan jerde sýǵa túsken.

Osyǵan deıin respýblıkalyq jedel-qutqarý jasaǵynyń súńgýirleri jasóspirimniń denesin sýdan alyp shyqqan bolatyn. 

Vedomstvo ókilderi Saıran kólinde shomylýǵa qatań tyıym salynǵanyn eske saldy. Onyń aýmaǵynda abattandyrý jumystary jalǵasyp jatyr.

Qutqarýshylar Almaty qalasynyń turǵyndary men qonaqtaryn sý aıdyndarynda qaýipsizdik erejelerin qatań saqtaýǵa, eskertý belgilerine nazar aýdarýǵa jáne ómir men densaýlyqty qorǵaýǵa shaqyrdy.