Almatydaǵy saýda ortalyǵynda órt shyqty

ALMATY. KAZINFORM – Almaty qalasynyń Áýezov aýdanynda ornalasqan eki qabatty saýda ortalyǵynyń ekinshi qabatynda órt shyqty. Bul týraly Tótenshe jaǵdaılar mınıstrligi habarlady.

Órt saýda úıiniń ekinshi qabatyndaǵy eki býtıkten bastalǵan. Alǵashqy órt sóndirý bólimshesi kelgen sátte ǵımarat terezelerinen qoıý qara tútin shyǵyp jatqany baıqalǵan.

QR TJM dereginshe, órtti sóndirýge mınıstrliktiń jeke quramynan 57 adam jáne 15 tehnıka jumyldyryldy.

- Qutqarýshylardyń jedel jáne úılesimdi áreketiniń arqasynda jalynnyń kórshiles býtıkterge taralýyna jol berilgen joq, - dep jazdy vedomstvodan.

Órt tolyǵymen sóndirildi. Zardap shekkender joq.

Aıta keteıik, Keńsaı-1 aýmaǵyndaǵy taý bókterinde shyqqan órt oqshaýlandy.