Almatydaǵy eki kóshede qozǵalys ýaqytsha shekteledi

ALMATY. KAZINFORM — Almatyda Lavrenev kóshesinde jáne Beregovoı men ıÝ. Kım kósheleriniń qıylysynda kólik qozǵalysy ýaqytsha shekteledi.

«Almaty jylý júıesi» JShS málimetinshe, 2025 jylǵy 26 qarashada saǵat 23:00–den 28 qarasha saǵat 6:00–ge deıin Túrksib aýdanynda Lavrenev kóshesi boıynsha Namanganskaıa kóshesindegi № 43a úıden Maılın kóshesine deıin, batys jaǵymen avtokólik qozǵalysy shekteledi.

Mamandar osy kósheniń jol bóliginiń astymen ótetin jylý jelilerindegi aqaýlarǵa baılanysty asfalttyń shógilgenin anyqtaǵan. Jóndeý jumystaryn merdiger uıym ózderiniń kepildik mindettemeleri aıasynda júrgizedi.

Sonymen qatar 27 qarasha kúni saǵat 09:00–den 28 qarasha saǵat 18:00–ge deıin Beregovoı jáne ıÝ. Kım kósheleriniń qıylysynda soltústik baǵyttaǵy kólik qozǵalysy jartylaı shekteledi. Ońtústik baǵyttaǵy qozǵalys ashyq bolady.

Ýaqytsha shekteý jol tóseminiń astynda ornalasqan jabyn plıtasyn aýystyrý jumystarynyń qaýipsizdigin qamtamasyz etý úshin engizilip otyr. Josparly tekseris kezinde atalǵan plıtanyń zaqymdanǵany anyqtalǵan.

Eske salaıyq, 26 qarashada respýblıka boıynsha qaı joldarda qozǵalys shektelgenin myna jerden bilýge bolady.