Almatydaǵy botanıkalyq baqta birqatar aýrýdyń aldyn alýǵa kómektesetin jemis ósedi

ALMATY. KAZINFORM – Almatynyń botanıkalyq baǵynda «altyn alma» atanǵan jemis ósedi. Kýmkvattyń emdik qasıetteri týraly ejelgi Qytaı shejirelerinde jazylǵan. 

Botanıkalyq baqtyń málimetinshe, bul erekshe jemistiń birneshe ataýy bar: kýmkvat, kınkan, fortýnella, altyn apelsın, altyn alma. 

Dárilik kýmkvat – dıametri 2-2,5 sm. Mınıatıýralyq sopaq apelsınderge uqsaıdy. Dámi mandarınge keledi. Ony qabyǵymen jeýge bolady. 

– Japonııada ósimdikti «kınkan» dep ataıdy. Aýdarmada «altyn apelsın» degen maǵynany bildiredi. Qytaılar ony «kýmkvat» dep ataıdy. Aýdarmada «altyn alma» dep atalady, - delingen habarlamada. 

Kýmkvattyń otany – Qytaıdyń ońtústik-shyǵys bóligi. Ol týraly alǵashqy aqparat HІІ ǵasyrda ejelgi Qytaı shejirelerinde jazylǵan. Kýmkvat shıki de, óńdelgen túrinde de qoldanylady (kámpıtter, djem, marmelad, lıkerler). 

Posmotret etý pýblıkatsııý v Instagram

Pýblıkatsııa ot Glavnyı̆ Botanıcheskıı̆ Sad g.Almaty (@botsadkz)

– Qytaıdyń dástúrli emshileri kýmkvatty danalyq jemisi dep ataǵan. Óıtkeni ósimdiktiń jemisteri mıdyń belsendiligin arttyryp, oılaý protsesin damytady. Kýmkvattyn paıdaly qasıetteri munymen aıaqtalmaıdy. Azııa elderiniń turǵyndary ottyń qasyna kýmkvattyń qabyǵyn qoıyp, tútinin demmen jutady. Bul jótel men sýyq tııýdi emdeıdi. Budan bólek, asqazan-ishek joldarynyń jumysyn jaqsartyp, qandaǵy holesterındi tómendetedi jáne kúızelisti jeńýge kómektesedi, - dep atap ótti botanıkalyq baq mamandary. 

Osyǵan deıin Almatynyń botanıkalyq baǵynda mıdy tynyshtandyrýǵa kómektesetin shúıginshóp gúli týraly jazǵan edik.